مہر خبررساں ایجنسی کی رپورٹ کے مطابق، ایرانی صدر ڈاکٹر مسعود پزشکیان نے عوام کی اقتصادی مشکلات حل کرنے کا عزم دہراتے ہوئے کہا ہے کہ ہم حقائق کو چھپانے کے لئے نہیں بلکہ عوام کی مشکلات حل کرنے کے لئے اقتدار میں آئے ہیں۔
ایکس پر ایک پیغام میں انہوں نے کہا ہے کہ عوام کا احترام ملحوظ خاطر رکھا جائے۔ عوام کے لئے اذیت کا باعث بننے والے عناصر کے سامنے مقاومت کریں گے۔ حکومت عوام کی خدمت کے لئے دن رات محنت کرے گی۔
انہوں نے کہا کہ ہمسایہ ممالک ہمارے دوست اور برادر ہیں جن کے ساتھ مل کر خطے کے استحکام اور مسلمانوں کی ترقی کے لئے کام کریں گے۔ اقتصادی پارٹنرز کے ساتھ تجارتی روابط کو مزید تقویت دیں گے۔ یورپی ممالک کے ساتھ اختلافات اور غلط فہمیوں کے ازالے کے لئے راہ حل تلاش کریں گے۔
انہوں نے کہا کہ ایران کے مفادات کی خاطر ہر اس ملک کے ساتھ مذاکرات کے لئے تیار ہیں جو ہمارے حقوق کو تسلیم اور ایرانی عوام کا احترام کرے۔
آپ کا تبصرہ